هاتوچۆی گەرمیان رایگەیاند، لەگەڕەکی فەرمانبەرانی قەزای کەلار لەپێکدادانی نێوان ماتۆڕسکیلێکی دووتایە و ئۆتۆمبێلێکدا دوو کەس برینداربوون.
بەڕێوەبەرایەتیی هاتوچۆی گەرمیان، رایگەیاند، شەوی رابردوو لە ئەنجامی پێکدادانی ئۆتۆمبێلێکی جۆری کیا دووتەنی و ماتۆڕسکیلێکی دووتایە لەگەڕەکی فەرمانبەرانی قەزای کەلار، دوو کەس برینداربوون.
دەشڵێت، هەردوو بریندارەکە لێخوڕ و سەرنشینی ماتۆڕسکیلەکە بوون، ئۆتۆمبێلی جۆری کیا دووتەنی شوێنی رووداوەکەی جێهێشتبوو.
ئاماژە بەوەشدەکات، بریندارەکان لەدایکبووی ساڵی 1999 و 2000ن، گەیەندرانە نەخۆشخانەی فریاکەوتنی شەهید هەژار و لێکۆڵینەوە لە رووداوەکە لەلایەن تیمی هاتوچۆوە دەستیپێکردووە.
