ئەندامێکی ئەنجومەنی نوێنەرانی عێراق، رایگەیاند، بۆ ناردنی مووچە بەغداد چاوەڕوانی 120 ملیارەکەی هەرێمی کوردستانە.
غالب محەمەد، ئەندامی ئەنجومەنی نوێنەرانی عێراق، رایگەیاند، لە وەزارەتی دارایی عێراق بەدواداچوونم کرد و دەرکەوت هەموو رێکارە کارگێڕییەکان لە بەغدادەوە بۆ هاتنی مووچە تەواوکراون بۆ ناردنی مووچە بەغداد چاوەڕێی 120 ملیار دیناری داهاتی ناوخۆی هەرێمی کوردستان دەکات.
دەشڵێت، هەرکاتێک ئەو داهاتە بگات بەغداد مووچە دەنێرێت، بەڵام هەرێمی کوردستان داهاتەکەی ئامادە نەکردووە.
