د. بڕیار رەشید: رۆژی یەکشەممە سەرۆککۆمار هەڵدەبژێردرێت

د. بڕیار رەشید رایدەگەیەنێت، بەپێی کارنامەی ئەنجومەنی نوێنەرانی عێراق، رۆژی یەکشەممە، سەرۆککۆماری عێراق هەڵدەبژێردرێت.
د. بڕیار رەشید، ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، بەپێی کارنامەی دانیشتنی رۆژی یەکشەممەی ئەنجومەنی نوێنەران، دوو بڕگە تاوتوێدەکرێن.
وتیشی، بڕگەی یەکەم، تایبەتە بە سوێندخواردنی دەستووریی ئەندامانی ئەنجومەنی نوێنەران.
ئاماژەی بەوەشکرد، بڕگەی دووەم، تایبەت دەبێت بە دەنگدان بۆ هەڵبژاردنی سەرۆککۆماری نوێی عێراق.
بەپێی کارنامەی ئەنجومەن، دانیشتنەکە کاتژمێر 11:00ـی پێشنیوەڕۆ بەڕێوەدەچێت.