بافڵ جەلال تاڵەبانی، سەرۆکی یەکێتیی نیشتمانیی کوردستان بەبۆنەی کۆچی دوایی برای عەلی سیستانییەوە، پرسەنامەیەکی بڵاوکردەوە.
دەقی پرسەنامەکە:
بەناوی خودای گەورە و میهرەبان
بە خەم و پەژارەیەکی قووڵەوە هەواڵی کۆچی دوایی ئایەتوڵڵا سەید هادی حسێنی سیستانی-مان پێگەیشت، کە رۆڵێکی بەرچاوی لە خزمەتکردنی ئایین و زانستدا بینیوە. بە کۆچی دوایی ناوبراو، بازنەی ئایینی و ئەکادیمی، زانا و کەسایەتییەکی دیاریان لەدەستدا.
لەکاتێکدا کە لە دڵەوە سەرەخۆشیی خۆمان بۆ ئەم خەسارەتە گەورەیە دەردەبڕین، لە خودای مەزن دەپاڕێینەوە کە سەبووریی و دڵنەوایی بە جەنابی ئایەتوڵڵای گەورە سەید عەلی سیستانی و بنەماڵە بەرز و بەڕێزەکەی ببەخشێت و کۆچکردوو لە رەحمەتی فراوانی خۆیدا جێبکاتەوە و بە بەهەشتی بەرینی شادبکات.
