بەڕێوەبەرایەتیی پۆلیسی هەڵەبجە بڵاویکردەوە، سێ تۆمەتبار، بەتۆمەتی بەکارهێنان و بازرگانیکردن بە ماددەی هۆشبەر دەستگیرکران.
بەڕێوەبەرایەتیی پۆلیسی هەڵەبجە بڵاویکردەوە، پاش ئەوەی لە ماوەکانی رابردوودا لەلایەن بنکەی پۆلیسی خورماڵی سەر بە بەڕێوەبەرایەتیی پۆلیسی پارێزگای هەڵەبجە، دوو تۆمەتبار بە ناوەکانی (پ. ئ. م) تەمەن 28 ساڵ و (م. ع. آ) تەمەن 26 ساڵ، بە تۆمەتی دزیکردن دەستگیرکران، دواتر بەمەبەستی پشکنین و بە گومانی بەکارهێنانی ماددەی هۆشبەر تۆمەتباران رەوانەی پزیشکیی دادی هەڵەبجە کران، لە ئەنجامدا دەرکەوت کە بەکارهێنەری ماددەی هۆشبەرن، بۆیە بە بڕیاری دادوەر و بەپێی ماددەی 30، پەڕاوێکی لێکۆڵینەوەیان بۆ کرایەوە.
ئەوەشی خستەڕوو، پاش لێکۆڵینەوە لەگەڵیاندا، توانرا ئەو تۆمەتبارەش کە ماددەکەی پێ فرۆشتون بەناوی (ڕ .ن . ع) تەمەن 26 ساڵ، بەپێی ماددەی 26، لەدەرەوەی سنووری پارێزگای هەڵەبجە، لەلایەن بنکەی پۆلیسی خورماڵەوە بەبڕیاری دادوەر دەستگیربکرێت.
