کۆبوونەوەکەی چوارچێوەی هەماهەنگیی شیعەکان، بەبێ دیاریکردنی کاندیدیدێک بۆ پۆستی سەرۆکوەزیرانی عێراق کۆتاییهات.
نووسینگەی راگەیاندنی چوارچێوەی هەماهەنگیی شیعەکان بڵاویکردەوە، کۆبوونەوەی ژمارە 257ی چوارچێوەکە لە نووسینگەی حەیدەر عەبادی بەڕێوەچوو و تیایدا گفتوگۆ سەبارەت بە چەند پرسێکی ناوخۆیی و ناوچەیی کرا.
ئاماژەی بەوەکردووە، پێویستە چوارچێوەی هەماهەنگی بەگوێرەی چوارچێوە دەستورییەکان، دۆسیە جیاوازەکان، لەناویشیاندا پۆستی سەرۆکوەزیران، یەکلابکاتەوە.
ئەوەشی خستەڕوو، چوارچێوەکە بە گرنگییەوە دەڕوانێتە هەڵبژاردنی دەستەی سەرۆکایەتیی ئەنجومەنی نوێنەرانی عێراق، هەروەها گرنگە لە ماوەیەکی کەمدا، لیژنەکانی ئەنجومەنی نوێنەران پێکبهێندرێن.
