بەڕێوەبەرایەتیی هاتوچۆی راپەڕین رێنمایی هاوڵاتییان و شۆفێران دەکات بۆ کاری زۆر پێویست نەبێت، نەیەنە دەرەوە و لە ماڵەکانیان بمێننەوە.
بەڕێوەبەرایەتییەکە لە راگەیەندراوێکدا بڵاویکردەوە، بەهۆی بەستنی شەقامەکانەوە، مەترسیی رووداو دوو بۆ سێ ئەوەندە بەرزبووەتەوە.
دەشڵێت، ئەگەر کاری زۆر پێویستتان نییە، لە ماڵەکانتان بمێننەوە و سەلامەتیی خۆتان بپارێزن.
هاتوچۆی راپەڕین ئاماژە بەوەشدەدات، ئەو کەسانەی ناچارن بێنەدەرەوە، پابەندبوون بە مەودای نێوان ئۆتۆمبێل، مەرجی سەرەکیی سەلامەتییە.
