بەپێی گۆڤاری فۆربێس، ئێڵۆن مەسک بووە یەکەم کەس لە جیهاندا، کە سامانەکەی 600 ملیار دۆلاری تێپەڕاند.
گۆڤارەکە هۆکاری بەرزبوونەوەی سامانەکەی مەسک دەگەڕێنێتەوە بۆ فرۆشتنی پشکەکانی کۆمپانیای سپەیس ئێکس بە چەندین بازرگان و وەبەرهێنەر، بۆیە چەند کاتژمێرێک پێش ئەوەی سامانەکەی ئێڵۆن مەسک بە 600 ملیار دۆلار بخەمڵێندرێت، فۆربێس سامانی ئەو ملیاردێرەی بە نزیکەی 500 ملیار دۆلار خەمڵاندبوو.
هەروەها سامانی مەسک بەهۆی بەرزبوونەوەی نرخی نزیکەی 12%ـی پشکەکانی لە کۆمپانیای تێسلا بۆ دروستکردنی ئۆتۆمبێلی کارەبایی، بەرزبووەتەوە.
