ئاژانسی رۆیتەرز رایدەگەیەنێت، رەنگە مانگی داهاتوو [کە دەکاتە ساڵی نوێ]، هێزی نێودەوڵەتی لە کەرتی غەزە جێگیربکرێت، لەکاتێکدا تاوەکو ئێستا میکانیزمی چەکداماڵینی حەماس بەڕێوەنەچووە.
دوو بەرپرسی سەربازیی ئەمریکا بە ئاژانسەکەیان راگەیاندووە، هێزی سەقامگیریی نێودەوڵەتی (ISF) ئەرکی بەرەنگاربوونەوەی حەماسی پێناسپێردرێت و ژمارەیەکی بەرچاو لە وڵاتان، ئارەزووی بەشداریکردنیان لەو هێزە نێودەوڵەتییە، دەربڕیوە.
ئەو بەرپرسانە ئاماژەیان بەوەشکردووە، لەئێستادا واشنتن کاردەکات بۆ دیاریکردنی قەبارە، پێکهاتە، بنکە و مەشقەکانی هێزەکە.
باسیان لەوەشکردووە، ئەمریکا بیر لە دانانی جەنەراڵێکی ئەمریکی دەکاتەوە بۆ سەرکردایەتیکردنی ئەو هێزە، بەڵام تاوەکو ئێستا هیچ بڕیاری کۆتایی نەدراوە.
