باڵیۆزی عێراق لە ئیمارات کردنەوەی هێڵ و رێگەیەکی گواستنەوەی راستەوخۆ لەنێوان بەندەرەکانی بەسڕە و دوبەی رادەگەیەنێت.
مزەفەر جبوری، باڵیۆزی عێراق لە ئیمارات بە میدیای رەسمیی عێراقی راگەیاند، کردنەوەی ئەم هێڵە لەنێوان بەسڕە و دوبەی، هەنگاوێکی دیکەیە بۆ بەهێزکردنی پەیوەندییەکانی نێوان عێراق و ئیمارات، هەروەها بەستەرێکی دیکە لەنێوان هەردوو وڵاتدا دروستدەکات.
وتیشی، لە رێگەی ئەم هێڵەوە بارهەڵگرەکان دەتوانن بار و کەلوپەلەکانیان بەهۆی کۆنتێنەرەکانەوە لە بەندەرەکانی دوبەیەوە بۆ بەندەرەکانی عێراق بگوازنەوە، هەروەها لە عێراقەوە بۆ سوریا، لوبنان و تورکیا.
ئاماژەی بەوەشکرد، ئەمە یەکەم هەنگاوی دەستپێکردنی پڕۆژەی رێگەی گەشەیە.
