دەزگای ئاسایشی هەرێم سەرکۆنەی هێرشکردنە سەر سێ کارمەندی ئاسایشی رۆژئاوای سلێمانی لە چەمچەماڵ دەکات و جەختدەکاتەوە لێکۆڵینەوە لەوبارەیەوە بەردەوامە.
دەزگای ئاسایشی هەرێمی کوردستان لە راگەیەندراوێکدا بڵاویکردەوە، بەڕێوەبەرایەتی گشتی ئۆپراسیۆنەکانی ئاسایش و بەرێوەبەرایەتی ئاسایشی ڕۆژئاوای سلێمانی، سەرەڕای جێبەجێکردنی ئەرک و کارەکانیان بۆ ئەنجامدانی کاری مرۆیی و لەپێناو پاراستنی سەروماڵی هاووڵاتیان و ڕزگارکردنی خەڵکی چەمچەماڵ و دەووروبەری لەو ڕووداوە سروشتییەی کە خەڵکی چەمچەماڵی گرتەوە، وەک قەڵغانێک چوون بەدەم هاوکاری خەڵک و
تیمە خزمەتگوزارییەکان و چاودێریکردن و سەرپەرشتیکردنی ڕێکخراوەکان و ئەوکەسانەی هەڵمەتی هاوکاریکردنیان ڕاگەیاند.
ئاماژەی بەوەشکرد، سەرەڕای ئەم ئەرک و ماندبوونە بۆ خزمەتی خەڵک ئەمڕۆ دەستێکی ڕەش پەلاماری هێزەکانی ئاسایشی ڕۆژئاوایدا، بووە هۆی برینداربوونی سێ كارمەندى ئاسايش و لێکۆلينەوه لەو بابەتە بەردەوامه.
