بەڕێوەبەری پاسپۆرتی سلێمانی رایگەیاند، بەهۆی باران و لافاوەوە نوسینگەی پاسپۆرتی چەمچەماڵ کارەکانیان راگرتووە.
عەمید سالار عەبدوڵا بەڕێوەبەری پاسپۆرتی سلێمانی رایگەیاند، باران و لافاوی دوو رۆژی رابردوو زیانی زۆری بەر نوسینگەی پاسپۆرت لە قەزاکە گەیاندووە، پەیوەندییان بە بەغدادەوە پچڕاوە، پێشبینیدەکەین دوای سەری ساڵ بتوانن دەستبەکارببنەوە.
ئاماژەی بەوەشکرد، تا ئەو کاتەی نووسینگەکە دەست بە کارەکانی دەکاتەوە، هاوڵاتییانی چەمچەماڵ بۆ کاری پاسپۆرت دەتوانن روو لە سلێمانی بکەن، هەر لەوێ کارەکانیان راییدەکەین.
