پارێزگاری کەرکوک هۆشداریی بە دانیشتووانی گوندەکانی هەردوو دیوی زێی بچووک دەدات کە نزیکی رووبار و دۆڵەکان دووربکەونەوە.
لە راگەیەندراوێکی نوسینگەی راگەیاندنی پارێزگاری کەرکوکدا هاتووە، “بەهۆی هاتنی لێشاوێکی زۆری ئاو لەو دۆڵ و شیوانەی دەڕژێنە نێو “زێی بچووکەوە”، هەروەها لە ئەنجامی بەردانەوەی بڕێکی زۆری ئاو لە “بەنداوی دوبز”ـەوە بە ئاڕاستەی رێڕەوی زێی بچوکەوە، داوا لە سەرجەم هاوڵاتیان و دانیشتوانی گوندەکانی هەردوو دیوی زێی بچوک دەکەین بەپەلە و دەستبەجێ لە رێڕەوی رووبار و دۆڵەکان دووربکەونەوە و نزیکی کەنارەکانی رووبار نەبنەوە.
داوایشیکرد، هاوڵاتیان هەروەها هەوڵی پەڕینەوە نەدەن لەو رێگەیانەی کە ئاویان بەسەردا دەڕوات.
