ئێڵۆن مەسک، ملیاردێری جیهانی داوای هەڵوەشاندنەوەی یەکێتیی ئەوروپا دەکات.
مەسک لە پۆستێکی تۆڕی کۆمەڵایەتیی ئێکس-دا نووسیویەتی، “پێویستە یەکێتیی ئەوروپا هەڵبوەشێتەوە و سەروەری بۆ وڵاتەکان بگەڕێتەوە، بۆ ئەوەی حکومەتەکان باشتر نوێنەرایەتیی گەلەکانیان بکەن”.
ئەم پۆستەی ئێڵۆن مەسک رۆژێک دوای ئەوە دێت، کە یەکێتیی ئەوروپا بە بڕی 120 ملیۆن یۆرۆ، کۆمپانیای ئێکس-ی سزادا بەهۆی پێشێلکردنی یاساکانی شەفافیەتی دیجیتاڵیی یەکێتیی ئەوروپا.
جێی ئاماژە بۆ کردنە، کۆمپانیای ئێکس، لەلایەن ئێڵۆن مەسک-ەوە خاوەنداریەتیی دەکرێت.
