شارەزایەکی بواری کەشناسی رایدەگەیەنێت، لە کۆتایی هەفتەی یەکەمی مانگی دوانزە، شەپۆلێکی زۆرباشی باران روو لە ناوچەکانمان دەکات.
شاڵاو هیدایەت، شارەزای بواری کەشناسی رایگەیاند، لە کۆتایی هەفتەی یەکەمی مانگی دوانزە و ناو هەفتەی دووەمی ئەم مانگەدا، هەرێمی کوردستان دەکەوێتە ژێر کاریگەری شەپۆلێکی دابارانی چڕ و زۆرباش، هەروەها مەودا شەپۆلەکە درێژخایەن دەبێت.
وتیشی، شەپۆلەکە کاریگەری دەبیت لەسەر نەمانی وشکی لە ناوچەکەدا و دۆخێکی تەڕ ناوچەکانمان دەگرێتەوە و پێشبینی دروستبوونی لافاو دەکرێت، هەروەها بەشێکی باش لە کانی، چەم و رووبارەکان جارێکی دیکە دەژیێنەوە.
باسی لەوەشکرد، لەو ناوچانەی کە پەڵەی نەداوە، پەڵە دەدات.
