بڕیارە وەفدی یەکگرتووی ئیسلامیی کوردستان سەردانی یەکێتیی نیشتمانیی کوردستان بکات و تاوتوێی چەند پرسێک بکەن.
بەگوێرەی زانیارییەکانی تۆڕی میدیایی ئێستا، سەردانەکەی وەفدی یەکگرتوو بۆلای یەکێتی بەمەبەستی گفتوگۆکردنە سەبارەت بەو دەستپێشخەرییەی کە رایگەیاندووە بۆ پێکهێنانی حکومەتی عێراق و یەکدەنگیی کورد لە بەغداد، تاوەکو بە یەکدەنگی بودجە، مووچە و شایستە داراییەکانی کورد لە بەغداد دەستەبەربکرێت.
ئەمەش پاش ئەوەدێت، هەر دوێنێ مەکتەبی سیاسیی یەکێتی، بە سەرۆکایەتیی بافڵ جەلال تاڵەبانی، کۆبوونەوە و جەخت لەوە کرایەوە کە یەکێتیی نیشتمانیی کوردستان، جەخت لە پێکهێنانی حکومەتێک دەکاتەوە لە بەغداد کە ماف و شایستە داراییەکانی هاوڵاتییانی هەرێمی کوردستانی تێدا پارێزراوبێت.
