سەرۆکی تیمی میدیایی کۆمسیۆنی عێراق، رایگەیاند، ئەنجامی کۆتایی هەڵبژاردن جیاوازییەکی ئەوتۆی لەگەڵ ئەنجامە بەراییەکان نابێت.
عیماد جەمیل، سەرۆکی تیمی میدیایی کۆمسیۆنی باڵای سەربەخۆی هەڵبژاردنەکانی عێراق، رایگەیاند، “ئەنجامی کۆتایی هەڵبژاردن کە ئەمڕۆ رادەگەیەندرێت جیاوازییەکی ئەوتۆی لەگەڵ ئەنجامی بەرایی نابێت و لەیەکەوە نزیکن”.
باسی لەوەشکرد، کورسییەکانی ئەنجومەنی نوێنەرانی عێراق بەگوێرەی یاسای ژمارە 2ی ساڵی 2025 دابەشکراون.
عیماد جەمیل ئەوەشی خستەڕوو، “کۆی گشتیی سکاڵاکان لە دەنگدانی گشتی و تایبەتدا گەیشتووەتە 102 سکاڵا، کە هیچ کاریگەرییەکان لەسەر ئەنجامەکان نەبووە”.
