سەعدی ئەحمەد پیرە رایگەیاند، ستایلی وتارەکانی بافڵ جەلال تاڵەبانی لەکاتی بانگەشەی هەڵبژاردن، هاندان بوو بۆ گەنجان کە بێن و زیاتر بەشداری لە هەڵبژاردندا بکەن.
سەعدی پیرە ئەندامی مەکتەبی سیاسیی یەکێتی رایگەیاند، پیرۆزبایی لە هەموو گەلی عێراق دەکەم، ئەمڕۆ رۆژێکی گرنگە لە مێژووی گەلەکەمان و عێراقیش بۆ قبوڵکردنی دیموکراسی و هەڵبژاردنی نوێنەری راستەقینەی خۆی.
ئاماژەی بەوەشکرد، هەموو ئەو بەڕێزانەی لەماڵەوە دانیشتوون و پێیان وایە دەنگدانی ئەوان سوودی نابێت هەڵە دەکەن، ئەمە ئەرکێکی نیشتمانییە و دەبێت جێبەجێبکرێت، لەبەرامبەر ئەمەش دەبێت حکومەتی داهاتوو ئەرکەکانی خۆی بەرامبەرتان جێبەجێبکات.
داوایشیکرد، “هاوڵاتییان هەڵبستن لە خەو و بچن دەنگی خۆیان بدەن، ئەمڕۆ رۆژی ئێوەیە”
باسیلەوەشکرد، ستایلی وتارەکانی بافڵ جەلال تاڵەبانی لەکاتی بانگەشەی هەڵبژاردن، هاندان بوو بۆ گەنجان کە بێن و زیاتر بەشداری لە هەڵبژاردندا بکەن.
