وەزارەتی خوێندنی باڵا و توێژینەوەی زانستیی هەرێم بڵاویکردەوە، رۆژی یەکشەممە و دووشەممە بۆ خوێندکاران پشووی رەسمی دەبێت.
وەزارەتی خوێندنی باڵا و توێژینەوەی زانستی بڵاویکردەوە، بەهۆى بەڕێوەچوونى پرۆسەى هەڵبژاردنەکانى ئەنجوومەنى نوێنەرانى عێراق لەپێناو رەخساندنى دەرفەتى یەکسان بۆ بەشدارییکردن لە هەڵبژاردنەکانى ئەنجوومەنى نوێنەرانى عێراق، بە بڕیارى د. ئارام محمد قادر وەزیرى خوێندنى باڵا و توێژینەوەى زانستى رۆژانى (9 و 10)ى ئەم مانگە لە ناوەندەکانى خوێندنى زانکۆ و پەیمانگەکان (حکومى – تایبەت) بۆ خوێندکاران و قوتابیان پشووى رەسمی دەبێت.
ئاشکراشیکرد، رۆژى 11 ی11 ی 2025 بەهۆى بەڕێوەچوونى پرۆسەى هەڵبژاردنەکان لەسەرجەم دامودەزگاکان پشوى رەسمییە بە ناوەندەکانى خوێندنیشەوە، رۆژى 12 ی 11 ی 2025 دەوامى رەسمی لە زانکۆ و پەیمانگەکانى هەرێمى کوردستان دەستپێدەکاتەوە.
