ئیدارەی پارێزگای کەرکوک بڕیاریدا لە سبەینێوە تا دوای تەواوبوونی پرۆسەی هەڵبژاردن لە ناوەندەکانی خوێندن بکاتە پشوو.
لە راگەیەندراوێکی ئیدارەی پارێزگای کەرکوکدا هاتووە، “بەهۆی ئەوەی زۆرینەی خوێندنگەکان وەك بنكەی دەنگدان بۆ دەنگدانی تایبەت و گشتی بەكاردێن، بڕیاردرا لە سبەینێوە لەسەرجەم ناوەندەکانی خوێندن تا دوای تەوابوونی پرۆسەی دەنگدانی گشتی بکرێتە پشووی رەسمی”.
ئاشکراشیکرد، ئامانجمان لە بڕیارەکە رەخساندنی دەرفەتە بۆ هێزە ئەمنییەكان بۆ جێبەجێكردنی ئەركەكانیان لە پاراستنی ئاسایش و سەركەوتنی هەڵبژاردنی ئەنجومەنی نوێنەرانی ساڵی 2025″.
