سەرۆکایەتیی شارەوانیی سلێمانی رایگەیاند، دەستکرا بە قیرتاوکردنی گەڕەکی ئازادی.
سەرۆکایەتیی شارەوانیی سلێمانی بڵاویکردەوە، بەهۆی نزیکبوونەوەمان لە وەرزی بارانبارین، لەلایەن تیمەکانمان و بە سەرپەرشتیی راستەوخۆی سەرۆکی شارەوانی، کاری قیرتاوکردنی شەقام و کۆڵانەکان بەردەوامە تا زۆرترین خزمەت بگەیەندرێت بە زۆرترین شوێن و زۆرترین پێگە.
ئاماژەی بەوەشکرد، بۆ ئەم مەبەستە ئەمڕۆ پێنجشەممە، لەلایەن تیمەکانمان لە سەرۆکایەتیی شارەوانیی سلێمانی، دەستکرا بە کاری قیرتاوکردنی گەڕەکی ئازادی و کارکردن بەردەوامە.
