بافڵ جەلال تاڵەبانی، لە شاری موسڵەوە وتارێکی پێشکەشی هاڵاتییان کرد و رایگەیاند، ئێمە عێراقێکمان دەوێت، کە سەربەخۆ بێت لە بڕیاردان، دەمانەوێت ئەو عێراقە دروستبکەین کە مام جەلال خەونی پێوە دەینی و ئەو هەمیشە بۆ یەکڕیزیی عێراق کاریدەکرد.
سەرۆکی یەکێتیی نیشتمانیی کوردستان لە وتارەکەیدا رایگەیاند:
-زانکۆی موسڵ دەبێت زیاتر پێشبکەوێت و گەشەبکات.
-سەرۆکی حزبەکانی عێراق دەبێت لە زانکۆی موسڵ دروستببن.
-شانازی دەکەم بەوەی کە من کوردم، دەبێت بە رێبازی مام جەلال کار بکەین کورد نابێت بەس کورد بێت، تورک نابێت بەس تورک بێت، کریستیانەکان نابێت بەس کریستیان بێت، بەڵکو دەبێت عێراقی بین، موسڵاوی بین.
-باوەڕمان بەوەیە کە هەموو پێکهاتەکان بە ئاشتی بژین، یەکێتیی نیشتمانیی کوردستان نوێنەرایەتیی هەموو پێکهاتەکانی عێراق دەکات.
-نەینەوا شایەنی رێزە مافی خۆیەتی بەهێزترین دەنگی هەبێت لە بەغداد، هەموو بڕیارێکی ستراتیجی دەبێت لە عێراق بدرێت نەک لەملاو ئەولا.
-یەکەمجارم نییە بێمە موسڵ، بەڵێن بێت کۆتاجاریشم نابێت.
