وەزارەتی شارەوانیی هەرێم رایدەگەیەنێت، بڕیاردراوە بە خەرجکردنی گوژمەی زیاتر لە 756 ملیۆن دینار، بۆ پڕۆژەیەکی خزمەتگوزاری لە سلێمانی.
وەزارەتی شارەوانی و گەشتوگوزاری هەرێم لە راگەیەندراوێکدا ئاشکرایکرد، لە فەرمانێكی وەزاریدا رەزامەندی نیشاندرا لەسەر خەرجكردنی گوژمەی 756 ملیۆن و 88 هەزار دینار، بۆ جێبەجێكردنی پڕۆژەی كاری كۆنكرێتكردنی تۆڕی شەقامەكانی كەرتی یەكەكانی بەكرەجۆ.
ئەوەشی خستەڕوو، ئەو گوژمەیە لەسەر رێژەی 100%ی داهاتی سەرۆكایەتیی شارەوانیی سلێمانییە، لەلایەن وەزارەتی شارەوانی و گەشتوگوزارەوە بەمەبەستی جێبەجێکردنی پڕۆژەکە، فەرمانی خەرجکردنەکە بەپێی یاسا و رێنماییە داراییەکانی تایبەت بە داهات دراوە.
