بافڵ جەلال تاڵەبانی، سەرۆکی یەکێتیی نیشتمانیی کوردستان پرسە و سەرەخۆشی ئاراستەی خانەوادەی نوح ئەحمەد ئاغا زێباری دەکات.
دەقی پرسەنامەکەی بافڵ جەلال تاڵەبانی:
بەڕێزان و خزمانمان لە عەشیرەتی زێباری
بەداخ و خەمێکی زۆرەوە هەواڵی کۆچی دوایی (نوح ئەحمەد ئاغا زێباری) برای بەڕێزان کاک (لەتیف زێباری و ئەرشەد زێباری)ـمان پێگەیشت.
بۆ ئەم خەمە، پرسە و سەرەخۆشیی خۆمان ئاراستەی ئێوە، کەسوکار و بنەماڵە سەربەرزەکەتان دەکەم و هاوبەشی ماتەمتانم.
لە خوای گەورە داواکارین، گیانی کۆچکردوو بە بەهەشتی بەرین شادبکات؛ ئارامی و سەبووری بە هەموو لایەک ببەخشێت.
