د. توانا نەجەف رایدەگەیەنێت، ئەو خوێندکارانەی لە هیچ زانکۆ و پەیمانگەیەک ناویان نەهاتووەتەوە گرفتەکانیان چارەسەردەکرێت.
د. توانا نەجەف، بەڕێوەبەری گشتیی دیوانی وەزارەتی خوێندنی باڵا و توێژینەوەی زانستیی هەرێمی لە لێدوانێکدا ئاشکرایکرد، “ئەو دەرچووانەی کە لە هیچ زانکۆ و پەیمانگەیەک وەرنەگیراون، یاخود بە هەڵە فۆڕمی زانکۆلاینیان پڕکردووەتەوە، کێشە و گرفتەکانیان چاەسەردەکرێت”.
دەشڵێت، “ئەو خوێندکارانەی گرفتیان هەیە دەتوانن سەردانی تۆماری گشتیی زانکۆکان بکەن، تاوەکو بزانن لە چ کۆلێژ و بەشێک هەمان کۆنمرەی ئەوان وەرگیراوە، تاوەکو ئەوانیش لە هەمان شوێن وەربگیرێن”.
