ئەو کەسەی کە لە تۆڕە کۆمەڵایەتییەکان وابڵاوکرایەوە موڵکەکانی شاسوار عەبدولواحیدی کڕیوە، روونکردنەوەیەکی بڵاوکردەوە.
لە روونکردنەوەکەدا هاتووە، “من ئاکار محەمەد، کارمەند و مووچەخۆری مانگانەم هەر لە سنووری پارێزگای سلێمانی، دوێنێ لەکاتی ئاشکراکردنی کڕینی بەشێک لە موڵکەکانی چاڤیلاند من ناو و وێنەم بەهەڵە دانراوە بە مافی خۆمی دەزانم لەڕێگەی ئەم روونکردنەوەیەوە دوو داواکاری ئاراستەی سەرجەم دەزگاکانی راگەیاندن بکەم”.
ئاکار محەمەد یەکەم داواکاریی ئەوەیە کە هەرچی زووە ناو وێنەی لە تۆڕەکۆمەڵایەتییەکان بسڕنەوە.
دەشڵێت، “لەڕێگەی ئەم رونکردنەوەیەوە ئەو هەڵەیە راستبکرێتەوە، چونکە من دوور و نزیک پەیوەندیم بەم بابەتەوە نییە، بە پێچەوانەوە هەر کەس و دەزگایەک لە بڵاوکردنەوەی ناو و وێنەی من بەردەوامبێت ناچارم رێگەی یاسایی لەدژی بگرمەبەر”.
