وەزارەتی کارەبای حکومەتی هەرێم رایگەیاند، بەرهەمهێنانی کارەبا کەمیکردووە و هەندێکجار دەبڕێت؛ هەوڵدەدەن لە ماوەی دوو رۆژدا چارەسەری ئەم بابەتە بکەن.
وەزارەتی کارەبای حکومەتی هەرێمی کوردستان لە روونکردنەوەیەکدا رایگەیاند، پڕۆسەی چاكسازیی بۆ ژێرخانی کارەبا لەلایەن تیمەکانی وەزارەتی کارەبا و كۆمپانیای دانەغاز بەردەوامە، بۆیە بەرهەمهێنانی غاز بە بڕی 150 ملیۆن پێ سێجا كەمیكردووە، بەمەش بەرهەمهێنانی كارەبا بە بڕی 800 مێگاوات دابەزیوە و هەندێکجار كارەبا بۆ ماوەیەكی كەم دەبڕێت.
ئاماژەی بەوەشکرد، هەردوو وەزارەتی كارەبا و وەزارەتی سامانە سروشتییەكان لەسەر هێڵن بۆ چارەسەرکردنی ئەم بابەتە لە ماوەی دوو رۆژی داهاتوودا و هەوڵدەدرێت ئەم پرۆسەیە كەمترین كاریگەری لەسەر تۆڕی كارەبای نیشتمانی هەبێت.
