سەرچاوەیەکی ئاگادار ئاشکرایکرد، بڕیارە وەفدێکی باڵای رەسمیی ئێران سەردانی بەغداد بکات بۆ تاوتوێکردنی چەند پرسێکی گرنگ لەگەڵ حکومەتی عێراق.
ئەو سەرچاوەیە بە میدیا عێراقییەکانی راگەیاند، وەفدەکەی ئێران ژمارەیەک بەرپرسی باڵا لەخۆدەگرێت کە بۆ تاوتوێکردنی چەند پرسێکی گرنگ دێتە بەغداد، لەوانەش پرسی قەرزەکانی ئێران کە لەلایەن عێراقەوە کۆکراونەتەوە سەبارەت بە هەناردەکردنی غاز بۆ عێراق و تاوتوێی رێککەوتنێکیش دەکرێت لەسەر میکانیزمێک، بۆ دانەوەی ئەو قەرزانە.
ئاماژەی بەوەشکرد، “وەفدەکە پرسی هاوردەکردنی غازی تورکمانستانیش لەگەڵ بەغداد، تاوتوێدەکات. هەروەها باس لە کشانەوەی هێزەکانی ئەمریکا لە عێراق و ماوەی دوای کشانەوەکە دەکرێت”.
