شەوی رابردوو ئەکبەر حاجی رۆستەم، کەسایەتی دیاری ناوچەی گەرمیان، لەلایەن چەکدارێکەوە کوژرا و تاوەکو ئێستا بکوژەکەی دەستگیرنەکراوە و هۆکاریی کوشتنەکەی بە نادیاریی ماوەتەوە.
شەوی رابردوو پۆلیسی گەرمیان هەواڵی کوشتنی ئەکبەر حاجی رۆستەمی پشتڕاستکردەوە و پاش رووداوەکە دەستیان بە لێکۆڵینەوە کرد، بەڵام تاوەکو ئێستا هۆکاری کوژرانەکەی بە نادیاریی ماوەتەوە و بکوژیش دەستگینەرکراوە.
بەپێی زانیارییەکان، ئەکبەر حاجی رۆستەم لە زەوییزارەکەی خۆی لە گوندەکەی بەناوی ئۆمەربل، لە سنووری قەزای کفری کوژراوە.
هەر بەپێی زانیارییەکان، لە کاتی رووداوەکەدا کوڕەکانی و کەسوکارەکەی لەگەڵیدا نەبوون، پاش کوشتنی، مۆبایل و ئۆتۆمبێلەکەی کە لە جۆری تۆیۆتایە، بردراوە.
