بەڕێوەبەرایەتیی هاتوچۆی هەڵەبجە بەهۆی شەپۆلی خۆڵبارینەوە، چەند رێنماییەکی بۆ هاوڵاتییان و شۆفێران بڵاوکردەوە.
لە راگەیەندراوێکدا هاتوچۆی هەڵەبجە ئاماژەی بەوەکرد، بەهۆی ئەو شەپۆلە خۆڵبارینەی ناوچەکە بەگشتی و سنووری پارێزگای هەڵەبجەی گرتووەتەوە، بەڕێوەبەرایەتیمان بە پێویستی دەزانێت ئاگاداری شۆفێران بکاتەوە کە بە ئاگایی و بەرپرسیارانە شۆفێری بکەن.
داواشدەکات، پابەندی ئەم رێنماییانە بن:
1- کەمکردنەوەی ئاستی خێرایی، بەتایبەت لە رێگاوبانەکانی دەرەوە.
2- پاراستنی ماوەی سەلامەتی و دووریی نێوان ئۆتۆمبێلەکان.
3- داگیرساندنی گڵۆپی تەم.
4- بەکارهێنانی ماسك بۆ شۆفێر و تەواوی سەرنشینان.
