ڕاگەیەندراوی هاوبەشی كازمی و سەرۆكوەزیرانی ئوردن

مستەفا كازمی، سەرۆكوەزیرانی عێراق و بیشر خەساونە، سەرۆكوەزیرانی ئوردن لە بەغداد كۆبوونەوە و لەسەر چەند بابەت و دۆسیەیەك ڕێككەوتن.

دوای كۆبوونەوەكە سەرۆكوەزیرانی هەردوو وڵات ڕاگەیەندراوێكی هاوبەشیان بڵاوكردەوە و تیایدا ناوەڕۆكی كۆبوونەوەكەیان ئاشكراكرد و ڕایانگەیاند، “بەغداد و عەمان ڕێككەوتوون لەسەر درێژەدان بە كاری هاوبەش و بەهێزكردنی هاوئاهەنگیی نێوانیان و سوودوەرگرتنی زیاتر لە یەكتر.”

ئاماژە بۆ ئەوەش كراوە كە حكومەتی عێراق و ئوردن “بڕیاریانداوە پەرە بە بازرگانی بدەن و بڕ و قەبارەی ئاڵوگۆڕی بازرگانیی نێوان عێراق و ئوردن زیادبكەن.”

بڕیارێكی تری كۆبوونەوەكەی هەردوو سەرۆكوەزیرانەكە، لابردنی تۆماری هاوردەیە بۆ ئەو شمەك و كاڵایانەی لەنێوان عێراق و ئوردن دا ئاڵوگۆڕدەكرێن، هەروەها پەلەكردن لە دروستكردنی شارێكی ئابوریی هاوبەش.

وەك ڕاگەیەندراوە هاوبەشەكە دەڵێت، “كازمی و سەرۆكوەزیرانی ئوردن ڕێككەوتوون هەناردەكردنی نەوتی عێراق بۆ ئوردن بۆ ماوەی ساڵێكی تر درێژبكرێتەوە.”

بابەتی پێشتر

وەزارەتی ئەوقاف داوادەکات مامۆستایانی ئاینی دژی "فیلمی تەوەکول" بوەستن

بابەتی دواتر

قوباد تاڵەبانی و باڵیۆزی ئەمەریكا دانووستانەكانی هەولێر و بەغدادیان تاوتووێ كرد

بابەتی پەیوەندیدار
Total
3
Share