سەرۆکی کاتیی سوریا یەکپارچەیی خاکی سوریای دووپاتکردەوە و ئەگەری دابەشکردنی وڵاتەکەی رەتکردەوە و وتی، “ئەوە مەحاڵە”.
لە دانیشتنێکدا کە ژمارەیەک وەزیر، ئەکادیمی، سیاسەتمەدار و کەسایەتییە باڵاکانی پارێزگای ئیدلب ئامادەی بوون، ئەحمەد شەرع، سەرۆکی کاتیی سوریا رایگەیاند، “ئەوانەی داوای دابەشبوون لە سوریا دەکەن لەڕووی سیاسییەوە نەزان و خەونبینن”.
وتیشی، “من مەترسیی دابەشبوون لە سوریا نابینم، لەلای هەندێک کەس خواست هەیە بۆ دابەشکردن، هەوڵێکە بۆ دروستکردنی کانتۆنی ناوخۆیی، بەڵام لەڕووی لۆژیکی و سیاسی و نەتەوەیی و کولتوورییەوە ئەوە مەحاڵە”.
