محەمەد شیاع سودانی، سەرۆک وەزیرانی عێراق رایگەیاند، بەهۆی کەمتەرخەمی لە کارەکانیان، چوار وەزیری حکومەتەکەی دەداتە دادگا.
ئەمڕۆ شەممە، لە یەکەم کۆنفرانسی هەڵسەنگاندنی ئەدای حکومەتەکەیدا، محەمەد شیاع سودانی رایگەیاند، بەهۆی ئەوەی گومانی گەندەڵییان لێکراوە و کەمتەرخەمبوون لە کارەکانیان، چوار وەزیر رەوانەی دەسەڵاتی دادوەری کران.
وتیشی، لێکۆڵینەوە لەو وەزیرانە کراوە و دەرکەوتووە لە کارەکانیاندا کەموکورتی هەبووە، ئێمە ئەنجامی ئەو لێکۆڵینەوەیەمان پەسەندکرد و رەوانەی دەستەی دەستپاکی کران، ئێستاش دۆسیەکانیان لەبەردەم دەسەڵاتی دادوەریدان.
