ئەندامێکی ئەنجومەنی نوێنەرانی عێراق رایدەگەیەنێت، ئەو دەرچووانەی بەشی پەرستاریی زانکۆی سلێمانی کە کارتی زانیارییان لە سنووری ماددەی 140 ە دەتوانن فۆڕمی دامەزراندن پڕبکەنەوە.
سروە محەمەد ئەندامی ئەنجومەنی نوێنەرانی عێراق رایگەیاند، پاش ئەوەی لەچەند رۆژی رابردوودا لینکی دامەزراندن بۆ دەرچووانی بەشە پزیشکییەکانی عێراق کارا کرا، سەردانی هەریەکە لە وەزارەتی تەندروستی و ئەنجومەنی راژەی عێراقمان کرد.
ئاماژەی بەوەشکرد، پاش گفتوگۆکردن و گەیاندنی کێشەی ئەو دەرچووانە هەر ئەمڕۆ ئەو لینکە کاراکرا بۆ ئەو کەسانەی دەرچووی بەشی پەرستاریی زانکۆی سلێمانین و کارتی زانیارییان سنووری ماددەی 140 ە ، بەمەبەستی ناو تۆمارکردن بۆ دامەزراندنیان لە بەشە پزیشکییەکان لەسەر حکومەتی عێراق و دەتوانن دابمەزرێن.
سەبارەت بە دامەزراندنی سێ یەکەمەکان، سروە محەمەد ئاشکرایکرد، کاری تەواوەتی لەسەر کەیسەکانیان كراوه و بڕیارە لە ماوەیەکی نزیکدا سێ یەکەمەکان دابمەزرێن.
