سەرچاوەی سەرەکی ڤیتامین D لە تیشکی خۆرەوەیە، وەرزی هاوینیش بەهێزی تیشکی خۆر دەگاتە ئەوپەڕی، پرسیارەکە ئەوەیە لەم وەرزەدا بۆ پڕکردنەوەی ئەو کورتهێنانەی لە وەرگرتنی ڤیتامین D لە تیشکی خۆر دروست دەبێت پێویست دەکات تەواوکاری خۆراکیی بەکاربهێنین؟
بەپێی راپۆرتێک لە لە پێگەی ڤێری وێل هێڵس بڵاویکراوەتەوە، تیشکی زۆری وەرزی هاوین بەس نییە بۆن وەرگرتنی ڤیتامین D بۆیە واباشترە لەو وەرزەشدا دەستبەرداری بەکارهێنانی ئەو جۆرە تەواوکارییە خۆراکییە نەبین.
بە وتەی شارەزایانی بواری پزیشکی، بەکارهێنانی تەواوکاریی خۆراکی ڤیتامین D لە وەرزی هاویندا پارێزگاریی لە ئاستی ئەو ڤیتامینە لە جەستەدا دەکات و سیستمی بەرگریی بۆ ماوەیەکی درێژ بەهێز دەکات.
هاوکات، رێگریی دەکات لە کەمبوونەوەی ئاستی ئەو ڤیتامینە لە وەرزی زستاندا.
