ئەمشەو لە قەزای دوکان ئۆتۆمبێلێک وەرگەڕا و کەوتە ناو دەریاچەی دوکانەوە.
ئارام عەلی وتەبێژی بەرگریی شارستانیی سلێمانی بە تۆڕی میدیایی ئێستای راگەیاند، لەلایەن بنکەی بەرگریی شارستانیی دوکان ئاگادارکراینەوە کاتژمێر 10:18 خولەکی ئەمشەو ئۆتۆمبێلێک لە دوکانی سەرەوە وەرگەڕاوە و کەوتووەتە ناو ئاوی دەریاچەکەوە.
ئاماژەی بەوەشکرد، ئۆتۆمبێلەکە سێ سەرنشینی تێدابووە، توانراوە بە سەلامەتی رزگاربکرێن.
