بەڕێوەبەری گشتیی کەشناسی و بوومەلەرزەزانیی هەرێم رایگەیاند، پێشبینیی هاتنی شەپۆلی دیکەی گەرمی ناکرێت.
فازڵ ئیبراهیم، بەڕێوەبەری گشتیی کەشناسی و بوومەلەرزەزانیی هەرێم رایگەیاند، تاوەکو رۆژی چوارشەممە کاریگەریی شەپۆلی گەرمی لەسەر ناوچەکانی هەرێم دەبێت و دواتر پلەکانی گەرمی کەمێک دادەبەزن کە ئەوە بەو مانایە نایەت کەشوهەوا فێنک دەبێت، بەڵکو ئاسایی دەبێت.
وتیشی، ساڵانە لە هەرێمی کوردستان لە کۆتایی مانگی تەمموز و سەرەتای مانگی ئاب دوو تاوەکو سێ شەپۆلی گەرمی روو لە ناوچەکان دەکات، بەڵام بۆ ئەمساڵ لە سەرەتای مانگی ئابدا پێشبینیی هاتنی شەپۆلی گەرمیی دیکە ناکرێت.
