بەڕێوەبەری بازرگانیی هەرێم رایگەیاند، %78ی هاوڵاتییانی هەرێم فۆڕمی ئەلیکترۆنیی خۆراکیان پڕکردووەتەوە و پێدەچێت وادەی پڕکردنەوەکەی درێژنەکرێتەوە.
نەوزاد شێخ کامیل بەڕێوەبەری گشتیی بازرگانیی هەرێم رایگەیاند، هاوڵاتییان لەسەرجەم پارێزگاکانی هەرێم بەدەنگەوەهاتنێکی زۆر باشیان بۆ پڕکردنەوەی فۆڕمی ئەلیکترۆنی خۆراک هەبووە، هەتا ئێستا %85 ی هاوڵاتیانی هەڵەبجە، %78 ی هاوڵاتییانی سلێمانی، %81 ی هاوڵاتییانی هەولێر و %72 ی هاوڵاتییانی دهۆک پڕیانکردووەتەوە کە بە تێکڕا رێژەکە دەکاتە %78
ئاماژەی بەوەشکرد، پرۆسەکە تا 1ی 8 بەردەوام دەبێت، رەنگە دواوادەبێت بێت بۆ درێژکردنەوە و لەوە بەدوا قۆناغی دووەمی پرۆسەکە دەستپێدەکات، کە دەتوانین بڵێین هەموو هاوڵاتیەک دەتوانێت ببێتە خاوەنی فۆڕمی ئەلیکترۆنیی خۆراک ئەگەر کارتی نیشتمانیی هەبێت و خۆی ویستی لەسەر بوونی هەبێت.
