نوێنەری گشتیی مامۆستایانی وانەبێژی لادراو رایگەیاند، “نزیکەی دوو هەزار مامۆستای وانەبێژ لادراون”.
زانا زرار، نوێنەری گشتیی مامۆستایانی وانەبێژی لادراو رایگەیاند، نزیکەی دوو هەزار مامۆستای وانەبێژ لە وانەوتنەوە دوورخراونەتەوە و تاوەکو ئێستا دانەنراونەتەوە، لەکاتێکدا بەڵێنمان پێدرا کە دادەنرێینەوە.
وتیشی، بەشێک لەو مامۆستایانەی لادراون 12 ساڵ خزمەتیان کردووە، بەڵام بە بڕیارێک لادراون و لە مافی گرێبەست بوونیش بێبەشکراون بە بیانووی ئەوەی لەکاتی دەرچوونی ئەو بڕیارەدا لە پرۆسەی خوێندندا نەبوون.
باسی لەوەشکرد، “داوا لە حکومەتی هەرێم دەکەین، لە شوێنی ئەو مامۆستایانەی خانەنشین دەبن، مامۆستایانی وانەبێژی لادراو دابنرێن”.
