بەپێی ئەو زانیارییانەی لە یەكێك لە بانكەكانەوە بە تۆڕی میدیایی ئێستا دراون، لە كاتژمێر 8ی بەیانیی ئەمڕۆوە تاوەكو كاتژمێر 4ی پاشنیوەڕۆ بانكەكان بەڕووی مووچەخۆراندا كراوە دەبن و مووچە دابەشدەكرێت.
هەر لە زانیارییەكاندا هاتووە، پارەی پێویست بۆ مووچەی مانگی پێنج تەرخانكراوە و بەپێی ئەو خشتەیەی لەلایەن وەزارەتی دارایی هەرێمەوە راگەیەندرا، مووچە دابەشدەكرێت.
دوێنێ وەزارەتی دارایی هەرێم خشتەی مووچەی مانگی پێنجی بڵاوكردەوە ئەوەش دوای ئەوەی لەلایەن وەزارەتی دارایی عێراقەوە پارەی تەرخانكراو بۆ مووچە نێردرا.
