ئەمڕۆ ئەنجومەنی وەزیرانی هەرێـم کۆبوونەوەی ئاسایی هەفتانەی خۆی سازدەکات و دوو پرس تاووتوێدەکات.
فەرمانگەی میدیا و زانیاری بڵاویکردەوە، ئەمڕۆ ئەنجومەنی وەزیران كۆدەبێتەوە
پێشهاتەكانی ئەمدواییەی تایبەت بە جێبەجێكردنی دواڕێككەوتن و لەیەكترگەیشتنی هاوبەشی نێوان هەردوو حكومەتی هەرێم و حكومەتی فیدڕاڵیی پەسندكراو بە بڕیاری ئەنجومەنی وەزیرانی هەردوولا سەبارەت بە دۆسیەی مووچە و شایستە داراییەكانی هەرێم و دۆسیەی نەوت و داهاتی نانەوتی تاووتوێ دەكرێت.
ئاشکراشیکرد، لە بەشی دووەمی کۆبوونەوەکەدا كۆنووسی كۆبوونەوەی تایبەت بە جێبەجێكردنی دەقی رێككەوتننامەی نێوان حكومەتی هەرێمی كوردستان و حكومەتی فیدراڵی بە مەبەستی دانانی میكانیزمی ڕێكخستنی كارەكانی دەستەی پێوانەسازی و كۆنترۆڵی جۆریی هەرێم تاووتوێ دەكرێت.
