بەڕێوەبەری ناحیەی قادر کەرەم رایدەگەیەنێت، هیچ درۆنێک لە ئاسمانی سنووری ناحیەکە بەدینەکراوە و نەکەوتووەتەخوارەوە.
سدیق محەمەد، بەڕێوەبەری ناحیەی قادر کەرەم لە لێدوانێکدا بە تۆڕی میدیایی ئێستای راگەیاند، کاتژمێر 10:20ـی بەیانیی ئەمڕۆ، دەنگێکی گەورە لەو ناحیەیە بیستراوە و هاوڵاتییان هەستیانپێکردووە.
وتیشی، ئەو دەنگە، دەنگی کەوتنەخوارەوەی درۆن نەبووە، بەڵکو دەنگی تەقاندنەوەی مینێک بووە کە لەلایەن تیمی تایبەتی هەرێم و عێراقەوە ئەنجامدراوە و پێشتریش سوپای عێراق لەمە ئاگادارکراوەتەوە.
پێشنیوەڕۆی ئەمڕۆ دەنگۆی کەوتنەخوارەوەی درۆنێک لە سنووری ناحیەی قادر کەرەم لە قەزای چەمچەماڵ سەر بە پارێزگای کەرکوک، بڵاوبووەوە.
