بەڕێوەبەرایەتیی بەرگریی شارستانیی سلێمانی رایدەگەیەنێت، هێڵی گەرمی ژمارە 115 لەکاردەکەوێت.
لە ئاگادارییەکی بەرگریی شارستانیی سلێمانیدا هاتووە، “بەهۆی کێشەیەکی تەکنیکی، هێڵی گەرمی ژمارە 115ـی بەرگریی شارستانی لەکاردەکەوێت و لەكاتی هەر رووداوێکی ئاگرکەوتنەوە یان کارەساتێک، دەتوانن پەیوەندی بکەن بە ژمارە 100”.
دەشڵێت، ئەو ژمارەیەی وەک جێگرەوە دانراوە، 24 کاتژمێر بەردەستە و پەیوەندییەکی بێبەرامبەرە.
