وەزارەتی پەروەردە رێنماییەکانی تۆمارکردنی خوێندکاران بۆ ساڵی نوێی خوێندن بڵاودەکاتەوە

وەزارەتی پەروەردەی هەرێم رێنماییەکانی تۆمارکردنی خوێندکارانی لە قۆناغەکانی باخچە و قۆناغی یەکەمی بنەڕەتی بڵاوکردەوە و تەمەنەکانی وەرگرتنی دیاریکرد.

بەپێی رێنماییەکانی وەزارەتی پەروەردە، بۆ ساڵی نوێی خوێندنی 2025-2026 ئەو منداڵانەی لەدایکبووی 1/1/2021-31/12/2021 لە قۆناغی یەکەمی باخچە وەردەگیرێن لەسەر بنەمای شوێنی جوگرافی، منداڵانی لەدایکبووی 1/1/2019-31/12/2019 لە قۆناغی یەکەمی بنەڕەتی وەردەگیرێن.

ئاشکراشیکرد، ئەو خوێندنگانەی سیستمیان ئینگلیزیە، تەنها لەسەر بنەمای تیروپشک خوێندکار وەردەگرن بەبێ هیچ مەرجێکی دیکە.

جەختیشیکردەوە، 23/7/2025 ناوتۆمارکردنی خوێندکاران دەستپێدەکات و تا 20/8/2025 بەردەوام دەبێت.