وتەبێژی کۆمسیۆنی هەڵبژاردنەکانی عێراق رایدەگەیەنێت، رۆژی 5ـی ئاب، تیروپشک بۆ پێدانی ژمارە بە لیست و کاندیدەکان ئەنجامدەدرێت.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق لە لێدوانێکدا رایگەیاند، کۆمسیۆن بەردەوامە لە کار و ئامادەکارییەکانی بۆ ئەنجامدانی هەڵبژاردنی ئەنجومەنی نوێنەرانی عێراق لە وادەی خۆیدا، کە رۆژی 11ـی 11ـی 2025ـە.
ئاماژەی بەوەشکرد، لیژنەیەک پێکهێندراوە بۆ رێکخستنی پرۆسەی تیروپشک بۆ لیست و کاندیدە سەربەخۆکان کە بڕیارە رۆژی 5ـی ئاب بەڕێوەبچێت.
بەپێی بڕیاری ئەنجومەنی وەزیرانی عێراق، رۆژی 11ـی 11ـی 2025، هەڵبژاردنی ئەنجومەنی نوێنەرانی عێراق بەڕێوەدەچێت.
