د. هەڵۆ عەسكەری، وەزیری ژینگەی عێراق رایگەیاند، لە كۆبوونەوەی ئەمڕۆی ئەنجومەنی وەزیرانی عێراقدا محەمەد شیاع سودانی سەرۆك وەزیرانی عێراق وتی، “لە رابردوودا لەسەر بەرپرسیارێتیی خۆم مووچەم بۆ هەرێمی كوردستان ناردووە”.
راشیگەیاند، لە كۆبوونەوەی ئەمڕۆدا وەزیرە كوردەكان یەكدەنگ بوون كە كێشەی مووچە چارەسەربكرێت و پێویستە هەرێمی كوردستانیش پابەندییەكان جێبەجێبكات و هەر لە كۆبوونەوەكەدا پێشنیازمان كرد كە مووچەیەك بدرێت.
ئاشكراشیكرد، سەرۆك وەزیرانی عێراق لە كۆبوونەوەكەدا وتوویەتی، “ئەگەر پێویستبكات رۆژانی هەینی و شەممەی داهاتوو كۆدەبینەوە بۆ ئەوەی ئەو كێشەیە چارەسەربكەین”.
