سەرۆک وەزیران و سەرۆککۆماری عێراق پرسی مووچەی مووچەخۆرانی هەرێمیان تاووتوێکرد.
ئەمڕۆ د. لەتیف رەشید سەرۆککۆماری عێراق و محەمەد شیاع سودانی سەرۆک وەزیرانی عێراق کۆبوونەوە.
لە بەشێکی کۆبوونەوەکەدا گفتوگۆ لەبارەی مووچەی مووچەخۆرانی هەرێم کرا و جەختکرایەوە لە کارکردن بۆ چارەسەرکردنی گشت کێشە هەڵپەسێردراوەکانی نێوان هەرێم و بەغداد بەپێی دەستوور و یاسا کارپێکراوەکان.
بەشێکی دیکەی کۆبوونەوەکەی نێوان سەرۆککۆمار و سەرۆک وەزیرانی عێراق تایبەت بوو بەبەڕێوەچوونی هەڵبژاردنەکان لە وادەی خۆیدا.
بارودۆخی گشتیی وڵات و پێشهاتە ناوچەییەکان و ئاستەنگەکانی بەردەم ناوچەکە بەشێکی دیکەی کۆبوونەوەی سەرۆککۆمار و سەرۆک وەزیرانی هەرێمی پێکهێنا.
