دەستەی خانەنشینی عێراق بڵاویکردەوە، پاداشتی کۆتایی خزمەتی ئەو کەسانە دابەشدەکەن کە لەم مانگەوە خانەنشین کراون.
لە راگەیەندراوێکی دەستەی خانەنشینی عێراقدا هاتووە، لە چوارچێوەی مووچەی مانگی تەمموزدا پاداشتی کۆتایی ئەو خانەنشینانە دابەشدەکەین کە هەر لەو مانگەدا خانەنشین بوون.
ئاماژەی بەوەشکرد، بڕیارەکە پێنج هەزار و 745 خانەشین دەگرێتەوە، ئەوانەی نامەی ئاگادارکردنەوەیان پێگەیشتووە سەردانی بانک بکەن بۆ وەرگرتنی پاداشتەکانیان لەگەڵ مووچەی مانگی تەمموزدا.
