لە جەنگەڵی دانکیخ دوو گەنجی کورد کە خەڵكی شاری کەلارن کوژران و کەسێکیش برینداربوو.
بەکر عەلی سەرۆکی کۆمەڵەی پەنابەرە گەڕاوەکان بە تۆڕی میدیایی ئێستای راگەیاند، دوێنێ شەممە لە جەنگەڵی دانکیخ چەند گەنجێکی کورد لەناو خۆیاندا بووەتە شەڕ و دەمەقاڵێ، لە ئەنجامدا دوو کەس کوژران و کەسێکیش برینداربوو.
ئاماژەی بەوەشکرد، ئەو دوو کەسەی کە کوژراون ناویان کارزان عەبدوڵا و محەمەد نەجمە، خەڵکی شاری کەلارن و هاوڕێی یەکترین.
جەختیشیکردەوە، تا ئێستا خێزان و کەسوکارەکانیان لە رێگای ئێمەوە داوای گەڕانەوەی تەرمەکانیان نەکردووە، داوای بکەن بە دڵنیایی بۆیان دەگەڕێنینەوە.
