تەلەفزیۆنى ئێران بڵاویکردەوە، هێزەکانى ئێران فڕۆکەیەکى بێفڕۆکەوانى ئیسرائیلى لە شارى سەلماس-ى سەر بە پارێزگاى ئازربایجانى غەربى خستەخوارەوە.
روونیشیکردەوە، درۆنەکە ئاسمانى وڵاتى بۆ ئەنجامدانى کارى هەواڵگرى، بەزاندووە.
بەرەبەیانى دوێنێ ئیسرائیل هێرشێکى چڕوپڕى بۆ سەر تاران و ژمارەیەک شار و ناوچەى دیکەى ئێران ئەنجامدا و بەهۆیەوە چەندین سەرکردەى سەربازى و زاناى ئەتۆمى کوژران، جگە لە تێکدانى ژێرخانى سەربازى و ئەتۆمى.
شەوى رابردووش ئێران بە هێرشێکى هاوشێوە وەڵامى ئیسرائیلى دایەوە و چەندین ناوچەى لە تەلئەبیب و شارەکانى دەوروبەر کردە ئامانج.
